Како да станете дадилка – потребни квалификации и искуство

 

Денес, сè повеќе родители се презафатени со работа и немаат доволно време соодветно да се посветат и грижат за своите деца. Mајките се враќаат на работа со полно работно време многу брзо по породувањето, така што е неизбежно наоѓање на одговорна и посветена личност за грижа за децатa.

Бидејќи не сите родители имаат можност да го остават своето дете кај нивните баби и дедовци додека се на работа, а запишувањето во градинка не е опција за сите, како едно од почестите решенија се наметнува ангажирањетo на личност која професионално се занимава со чување на деца.

На пазарот на трудот се поголема е понудата, но и побарувачката за квалификувани дадилки кои за плата се грижат за дневните обврски на децата и се грижат за нив додека нивните родители не се дома.

Подолу, дознајте што точно подразбира работата на дадилката, како да станете дадилка и колку е безбедно да се ангажираат професионални дадилки за деца.

 

Што значи да се биде дадилка

Првата и најважната работа кога станува збор за дадилка е дека лицето кое ќе одлучи вршење на таа работа мора да негува вистинска страст за работа со деца. Тоа е апсолутно неопходно со оглед дека таквата кариера е посебен предизвик и од ден на ден носи нови пречки што можат да се надминат само благодарение на љубовта кон работата.

Друга работа што треба да се напомене е дека иако работата на дадилката може понекогаш да биде крајно напорна и одговорна исто така е едно од најинтересните занимања кое може да го изберете. Покрај тоа што гледате деца близу вас и благодарение на Вашата грижа тие учат, се развиваат и растат, Вие сте во можност да станете дел од нивното семејство.

Многу дадилки поминуваат значително време секој ден во семејниот дом каде што работат, а многумина дури живеат во нивниот дом за да останат во текот на денот на располагање на малечките. Ова ниво на вклученост значи дека покрај поврзувањето со децата, дадилката прави поблизок контакт со остатокот од семејството и станува важен член на едно домаќинство.

 

Како да станеш дадилка?

Барањата на родителите на денешните деца се сè поголеми и поспецифични. Имено, со оглед на темпото на животот, како и комбинирањето на бројни професионални и други одговорности, сè поголем е бројот на родители на кои им треба некој кој истовремено ќе се грижи за нивните деца, ќе ги негува, но и ќе ги воспитува и ќе помине квалитетно заедничко време.

Затоа родителите сакаат да го остават своето дете во рацете на професионалци и од оваа причина се смета дека иднина се повеќе ќе има потреба за оваа професија.

Доколку пак се прашувате како да станете дадилка, важно е да знаете дека има голем број училишта за дадилки кои издаваат сертификати кои правилно ги едуцираат сите заинтересирани лица и ги упатуваат на оваа професија.

Откако ќе се овластат, професионалните дадилки можат да најдат Агенција или тие можат сами да ги рекламираат своите услуги. Најдоброто место за рекламирањето е секако водечката трговска платформа во Македонија – Pazar3.mk.

 

Обука за работа на дадилката

Школата за дадилки нуди многу теоретска и практична обука, како и обука што е насочена кон подобрување на професионалните и животните вештини. Дадилките мораат да ги совладаат сите потребни стручни и теоретски знаења за нега на деца во градинка или дома.

Дадилките се обучени да им помагаат на децата во капење, пресoблекување и хранење и исто така треба да научат соодветни едукативни игри кои го поттикнуваат развојот на децата во сите фази на нивниот развој.

Организацијата за обука на дадилките вклучува учење како да се обезбеди квалитетна поддршка на семејството во прилика на важни настани во ситуации кога се бара адаптација кон промена, и покрај тоа, тие треба да бидат авторитет кон децата, така што правилната примена на казните и забраните е од големо значење.

 

Потребни квалификации за работата на дадилка – особини кои треба да ги поседува добрата дадилка

Покрај страста за работа со деца и млади и вистински интерес за развој на младите деца, постојат бројни други вештини што треба да ги поседува личноста која се стреми да стане добра дадилка.

 

Трпеливост

Бидејќи дадилките честопати треба да работат со многу мали деца, понекогаш и со повеќе од едно дете истовремено, трпеливоста е нешто што треба да го поседуваат.

 

Љубезност

Една од најважните работи е дека дадилките се достапни и пријателски расположени кон децата и тоа вклучува љубезност и чувствителност на секојдневните проблеми со мали деца што можат да се појават.

 

Комуникативност

На децата им требаат интелигентни и пријателски луѓе со кои можат опуштено да комуницираат за сè. Потребата за лесна комуникација помеѓу дадилката и детето се огромни, како и добрата комуникација на дадилката со родителите со оглед дека ќе сакаат да знаат сè за тоа како поминаа нивните деца во текот на денот.

 

Способност да работи под притисок

Ако дадилките се грижат за повеќе од едно дете истовремено, а нивната работа вклучува готвење, чистење и грижа за домашните миленици, на пример, неопходно е поседување на способност за извршување на повеќе задачи истовремено, како и добра организација за работа под притисок.

 

Снаодливост

Многу често, децата можат да бидат доста спонтани, неорганизирани и непредвидливи, затоа, можноста да се справат во различни ситуации е исклучително корисна за успешно завршување на оваа работа. Исто така, снаодливост во пронаоѓањето на вистинскиот начин да се забавуваат децата е еден од гарантите за успешна кариера на дадилките.

 

Флексибилност

Без разлика дали е дадилка со вашето семејство еден месец или пет, животот сам по себе носи одредена динамика и многу е веројатно дека многу промени ќе се случат во домот и начинот на кој се прават работите. Поради оваа причина, дадилката мора да биде флексибилна и подготвена да се прилагоди на сите промени за максимално ја испочитува нејзината улога.

Овие се само неколку од најважните вештини што треба да ги има добра дадилка. Секако секое семејство е различно и секое дете има одредени потреби, така што она што може да функционира кај едно дете нема да функционира кај друго.

 

Како изгледа денот на дадилката

Како што рековме, ниту едно семејство не е исто и од некои може да се бара многу помалку доприноси од Вас како дадилка од другите. Има разлика помеѓу дадилките кои живеат со семејство и дадилки кои повремено доаѓаат да се грижат за децата.

Ако дадилката живее во семејниот дом, нејзините задачи веројатно ќе бидат многу поголеми од оние на дадилките кои работат само во текот на денот или со скратено работно време. Затоа, кога станува збор за дадилското искуство многу е важно успешно да совлада сè што се бара од неа.

За да го поедноставите ова, погледнете како може да изгледа работата дадилка во Македонија, односно наведуваме некои од задачите што може да ги побара дадилката без разлика дали живеат во или надвор од домот на работодавачот.

• помагање на децата со домашна работа

• спроведување на едукативни активности

• правење оброци за деца

• капење и облекување деца

• читање

• ставање деца во кревет

• чистење на домот

• хранење, одење и играње со миленичиња

• набавки за семејството

 

Едуцираните дадилки во сите развиени земји во светот постигнуваат значително подобри резултати во работата со деца за разлика од оние дадилки кои не се едуцирани.

Благодарение на овие резултати потребата од сертифицирани и професионални дадилки се повеќе е присутна во Македонија, односно модерните родители ги препознаваат сите придобивки што образованите луѓе можат да им ги донесат на своите деца.